“Bundesliganyň” 32-nji tapgyrynda öz meýdançasynda “Borussiýa M” toparyny 6-0 hasabynda ýeňen “Bawariýa” çempionlygyny yglan etdi. Bu münhenlileriň bassyr 9-njy, umumylykda-da 31-nji (30-sy “Bundesliga”) çempionlygyny gazandy. “Bawariýa” çempionlyk gazandyran duşuşygyň gollaryny Robert Lewandowski (3), Müller, Koman hem-de Sane derwezä girizdi. Şu möwsümdäki gollarynyň sanyny 39-a ýetiren Robert Lewandowski ýene-de 2 gol geçiren ýagdaýynda Gerd Mülleriň bir möwsümde 40 gol rekordyny täzelär.
Tapgyryň merkezi oýnunda “Borussiýa Dortmund” öz meýdançasynda “Leipsigi” kynlyk bilen hem bolsa, 3-2 hasabynda ýeňdi we 4-nji orna beýgeldi. Duşuşykda Jeýdon Sanço 2 gol geçirip, toparynyň ýeňşinde esasy roly oýnady.
