Ýew­ro­pa sa­par eder. ABŞ-nyň Prezidenti Jo­zef Baý­den Rus­si­ýa­nyň Prezidenti Wla­di­mir Pu­tin bi­len iýun aýyn­da Ýew­ro­pa sa­pa­ry wag­tyn­da du­şuş­ma­gy me­ýil­leş­dir­ýän­digini aýt­dy. ABŞ-nyň Prezidenti 11-13-nji iýun­da Kor­nu­woll­da /Be­ýik Bri­ta­ni­ýa­da/ ge­çi­ril­jek G7 sam­mi­ti­ne gat­na­şar we G7 ýurt­la­ry­nyň ýol­baş­çy­la­ry bi­len iki­ta­rap­la­ýyn du­şu­şyk­lar ge­çi­rer. Soň­ra Jo­zef Baý­deniň Bel­gi­ýa­nyň paý­tag­ty Brýus­se­le sa­par et­me­gi­ne ga­ra­şyl­ýar.

Je­mi içer­ki önü­mi öser. Be­ýik Bri­ta­ni­ýa­nyň je­mi içer­ki önü­mi 2021-nji ýy­lyň ahy­ry­na çen­li 7,25% ýo­kar­la­nar we bu 1941-nji ýyl­dan bä­ri halk ho­ja­ly­gy­nyň iň ýo­ka­ry ösüş dep­gi­ni bo­lar. Bu ba­ra­da Ang­li­ýa Ban­ky­nyň çap eden ha­sa­ba­ty­nda mä­lim edil­ýär. Şeý­le-de, Ang­li­ýa Ban­ky 2022-nji ýyl­da ýur­duň je­mi içer­ki önü­mi­niň ösü­şi ba­ra­da­ky çak­la­ma­sy­ny 7,25%-den bel­li bir de­re­je­de pe­selt­di. 2020-nji ýy­lyň ahy­ryn­da pan­de­mi­ýa se­bäp­li Beýik Bri­ta­ni­ýa­nyň je­mi içer­ki önü­mi ep-es­li pe­se ga­çyp­dy. Bu ýag­daý 1709-njy ýyl­dan bä­ri il­kin­ji ge­zek ýü­ze çy­kyp­dy.

Gir­de­ji­si ýo­kar­lan­ýar. Sa­ud Ara­bys­ta­ny­nyň Mil­li ne­bit kom­pa­ni­ýa­sy «Sau­di Aramco»-nyň şu ýy­lyň bi­rin­ji çär­ýe­gin­dä­ki aras­sa gir­de­ji­si 21,7 mil­liard dol­la­ra çen­li ýo­kar­lan­dy, bu bol­sa ge­çen ýy­lyň de­giş­li döw­ri bi­len de­ňeş­di­ri­len­de 30% köp­dür. Bu ösüş hal­ka­ra ne­bit ba­za­ry­nyň güýç­len­me­gi, ne­bi­ti gaý­ta­dan iş­le­ýän za­wod­la­ryň gir­de­ji­li­li­gi­niň ýo­kar­lan­ma­gy bi­len müm­kin bol­dy. «Sau­di Aramco»-nyň 2020-nji ýyl­da­ky aras­sa gir­de­ji­si dün­ýä­de eme­le ge­len çyl­şy­rym­ly ýag­daý­lar se­bäp­li, tak­my­nan, 45% aza­lyp, 49 mil­liard dol­la­ra düşüp­di.

Gyzykly bolup bilerЕЩЕ ОТ АВТОРА