UEFA Çempionlar ligasynyň finalynyň geçiriljek ýeri üýtgedildi. Iňlis hökümetiniň pandemiýa sebäpli Türkiýä gezelençleri çäklendirmeginden soň (karantina), iňlisler finalyň geçiriljek ýeriniň üýtgedilmegi bilen baglanyşykly iňlisler UEFA ýüz tutupdy. Netijede, final duşuşygy Stambuldan alnyp, iňlisler üçin karantinasyz syýahatçylyk edip bolýan ýurtlaryň birine, ýagny, Portugaliýa geçirildi. Ýagny “Mançester Siti” bilen “Çelsiniň” arasyndaky final duşuşygy Portugaliýanyň Porto şäherindäki “Dragao” stadionynda oýnalar. Duşuşyga her toparyň 6 müň janköýeri alnar.
Ýeri gelende aýtsak, UEFA Çempionlar ligasynyň finaly geçen ýylda-da Stambulda geçirilmelidi. Ýöne pandemiýanyň ýüze çykmagyndan soň, çärýek finaldan başlap ähli duşuşyklar Portugaliýanyň Lissabon şäherinde oýnaldy.
