Germaniýanyň Kubogynyň finalynda “Borussiýa Dortmund” bilen “Leipsig” toparlary duşuşdylar. Berlindäki Olimpiýa stadionynda oýnalan finalda “Borussia Dortmund” güýçli garşydaşyny 4-1 hasabynda ýeňlişe sezewar etdi. Dortmundlylara ýeňiş getiren gollary Erling Holann (28, 88) bilen Jeýdon Sanço (5, 45+2) öz atlaryna ýazdyrdylar. Leipsigiň ýeke-täk goluny-da 77-nji minutda Daniel Olmo derwezä girizdi. Şeýlelikde, 4-1 hasabynda ýeňşini baýram eden “Borussiýa Dortmund” 1965-nji, 1989-njy, 2012-nji hem-de 2017-nji ýyllardan soň, Germaniýanyň Kubogyny 5-nji gezek eýelemegi başardy. “Leipsig” bolsa 2019-njy ýyldan soň, ikinji gezek finaldan boş gaýtdy.
