Ekwadoryň Galapagos adalarynda bir asyr ozal nesli ýitendigi çaklanylýan pyşbaga tapyldy. Alymlar bu jandaryň 80 ýaşyndadygyny çaklaýar. Hünärmenler pyşbaganyň “garyndaşlaryny” tapmak üçin barlag işlerine girişdiler. Pyşdylyň tapylan ýeri bolan Fernandina adasy tebigatyň bozulman galan seýrek ýerleriniň biri hasaplanýar. ABŞ-nyň Ýel uniwersitetiniň hünärmenleri bu jandaryň bir asyr ozal ýitip gidendigi çaklanylýan “Chelonoidis phantasticus” atly pyşbagadygyny mälim etdiler. 2019-njy ýylda tapylan pyşbaganyň bu görnüşe degişlidigi golaýda belli boldy. Galapagos milli seýilgähiniň ýolbaşçylary Ýel uniwersitetiniň hünärmenleriniň 1906-njy ýylda çykarylan DNK nusgasy bilen deňeşdirilende, deňiz jandarynyň görnüşiniň anyklanandygyny mälim etdiler.
Ýuwaş ummanyndaky Galapagos adasy haýwanat we ösümlik dünýäsine baý bolup, 1978-nji ýylda ÝUNESKO-nyň Bütindünýä mirasynyň sanawyny girizilýär Bu ýerdäki goraghanada pyşbagalaryň populýasiýasynyň 60 müň töweregidigi çaklanylýar.
