Italiýanyň çempiony “Inter” toparynyň täze tälimçisi belli boldy. Italýan kluby Simona Inzaginiň toparyň täze tälimçisi wezipesine bellenendigini resmi ýagdaýda habar berdi. Milan şäheriniň wekili 45 ýaşyndaky tälimçi bilen 2 ýyllyk şertnama baglaşdy. 1994-2010-nji ýyllar aralygynda Italiýanyň dürli klublarynda, esasan hem “Lasioda” (1999-2010) futbol oýnan Simona Inzagi “Lasio” toparyna 2016-njy ýyldan bäri tälimçilik edip gelýärdi. “Lasio” topary onuň tälimçiliginde Italiýanyň Kubogyna (2019) hem-de Italiýanyň Super Kubogyna (2017, 2019) mynasyp bolupdy. Mälim bolşy ýaly, geçen hepdäniň başynda Antonio Konte maliýe meseleleri boýunça düşünişmezlik sebäpli Interdäki wezipesini taşlapdy. Ol “Intere” 11 ýyldan soň 19-njy çempionlygyny gazandyrypdy.
