Ýur­du­my­zyň Bir­le­şen Mil­let­ler Gu­ra­ma­sy­nyň çäk­le­rin­de he­mi­şe­lik Bi­ta­rap­lyk hu­kuk ýag­da­ýy­ny iş ýü­zün­de ama­la aşyr­mak, pa­ra­hat­çy­ly­gy go­rap sak­la­mak we dür­li döw­let­le­riň ara­syn­da öza­ra yna­nyş­ma­gyň me­de­ni­ýe­ti­ni ýo­kar­lan­dyr­mak bo­ýun­ça öňe sür­ýän hal­ka­ra baş­lan­gyç­la­ry aý­ra­tyn äh­mi­ýe­te eýe­dir. He­mi­şe­lik Bi­ta­rap­lyk bag­ty­na da­ýa­nyp, dün­ýä­niň ösen döw­let­le­ri bi­len öza­ra bäh­bit­li iki­ta­rap­la­ýyn hem-de köp­ta­rap­la­ýyn gat­na­şyk­la­ryň ýo­la go­ýul­ma­gy eziz Di­ýa­ry­my­zyň yk­dy­sa­dy kuw­wa­ty­ny hal­ka­ra de­re­je­si­ne çy­kar­ma­ga ak ýol aç­dy. Hor­matly Pre­zi­den­ti­mi­ziň pa­ra­sat­ly baş­tu­tan­ly­gyn­da dün­ýä jem­gy­ýet­çi­li­gi ta­ra­pyn­dan giň­den yk­rar edi­len he­mi­şe­lik Bi­ta­rap­ly­ga da­ýa­nyp, «Açyk ga­py­lar» sy­ýa­sa­ty­nyň dur­mu­şa ge­çi­ril­me­gi, dür­li döw­let­ler we halk­lar bi­len öza­ra peý­da­ly gat­na­şyk­la­ryň ös­dü­ril­me­gi ýur­du­my­zyň hal­ka­ra ab­ra­ýy­nyň ýo­kar­lan­ýan­dy­gy­nyň aý­dyň su­but­na­ma­sy bo­lup dur­ýar.

Bir­le­şen Mil­let­ler Gu­ra­ma­sy bi­len kö­pugur­ly hyz­mat­daş­ly­gyň ös­dü­ril­me­gi­ni döw­let Baş­tu­ta­ny­myz Türk­me­nis­ta­nyň dün­ýä gi­ňiş­li­gin­dä­ki alyp bar­ýan iş­le­ri­niň mö­hüm ugur­la­ry­nyň bi­ri hök­mün­de kes­git­le­di. Hyz­mat­daş­ly­gyň top­la­ny­lan baý tej­ri­be­si­ne da­ýan­mak bi­len, däp bo­lan bu gat­na­şyk­lar hä­zir­ki za­man tap­gy­ryn­da öz ge­ri­mi­ni gi­ňeld­ýär, tä­ze ugur­la­ry hem-de äh­lu­mu­my äh­mi­ýet­li mö­hüm we­zi­pe­le­ri öz içi­ne al­ýar. Türk­me­nis­tan BMG-niň Baş As­samb­le­ýa­sy­nyň iş­le­ri­ne iş­jeň gat­naş­ýar, BMG-niň Baş As­samb­le­ýa­sy­nyň mej­li­si­niň baş­ly­gy­nyň orun­ba­sar­ly­gy­na al­tyn­jy ge­zek saý­la­nyl­dy. Türk­me­nis­tan bu de­re­je­de 58-nji, 62-nji, 64-nji, 68-nji we 71-nji mej­lis­le­ri­niň işi­ne gat­na­şyp­dy.
Mä­lim bol­şy ýa­ly, Türk­me­nis­tan Bir­le­şen Mil­let­ler Gu­ra­ma­sy­nyň ab­raý­ly dü­züm­le­ri­niň we yk­dy­sa­dy eda­ra­la­ry­nyň dü­zü­mi­ne eý­ýäm bir­nä­çe ge­zek saý­la­nyl­dy. Şo­la­ryň ha­ta­ryn­da BMG-niň esa­sy eda­ra­la­ry­nyň bi­ri bo­lan EKOSOS, Ilat we ösüş bo­ýun­ça ko­mis­si­ýa, Bü­tin­dün­ýä azyk mak­sat­na­ma­sy­nyň Ýe­ri­ne ýe­ti­ri­ji ge­ňe­şi, ÝU­NES­KO-nyň Ýe­ri­ne ýe­ti­ri­ji ge­ňe­şi, BMG-niň Mer­ke­zi Azi­ýa­nyň yk­dy­sa­dy­ýet­le­ri üçin Ýö­ri­te mak­sat­na­ma­sy (SPE­KA), BMG-niň Ne­şe se­riş­de­le­ri bo­ýun­ça ko­mis­si­ýa­sy, BMG-niň Bos­gun­la­ryň iş­le­ri bo­ýun­ça Ýo­ka­ry ko­mis­sa­ry­nyň mak­sat­na­ma­sy­nyň Ýe­ri­ne ýe­ti­ri­ji ko­mi­te­ti we beý­le­ki­ler bar.
Umu­man, Türk­me­nis­tan bi­len BMG-niň ara­syn­da­ky hyz­mat­daş­lyk bu ab­raý­ly gu­ra­ma­nyň bi­ziň döw­le­ti­miz­dä­ki dü­züm­le­ri bi­len hem üs­tün­lik­li ös­dü­ril­ýär. BMG-niň dür­li iri dü­züm­le­ri ýur­du­myz­da öz we­kil­ha­na­la­ry­ny aç­ýar. Ine, ola­ryň bi­ri hem Tas­la­ma hyz­mat­la­ry bo­ýun­ça mü­dir­li­gi­dir (ÝU­NOPS). Paý­tag­ty­myz Aş­ga­bat­da Bir­le­şen Mil­let­ler Gu­ra­ma­sy­nyň tä­ze dü­zü­mi­niň – Tas­la­ma hyz­mat­la­ry bo­ýun­ça mü­dir­li­gi­niň (ÝU­NOPS) we­kil­ha­na­sy öz işi­ne baş­la­dy. Bu we­kil­ha­na­nyň açyl­ma­gy ýur­du­myz­da Mil­let­ler Bi­le­le­şi­gi­niň we­kil­çi­li­gi­niň bar­ha gi­ňel­ýän­di­gi­ni ala­mat­lan­dyr­mak bi­len, Dur­nuk­ly ösüş mak­sat­la­ry­na ýet­mek üçin hal­ka­ra hyz­mat­daş­ly­gy iş­jeň­leş­dir­mek­de hem no­bat­da­ky müm­kin­çi­lik­dir.
Soň­ky iki ýyl­da BMG-niň Aş­ga­bat­da­ky we­kil­ha­na­syn­da iş alyp bar­ýan ýö­ri­te­leş­di­ri­len agent­lik­le­riň sa­ny yzy­gi­der­li art­dy­ryl­ýar. Bu dü­züm­ler bi­len bi­le­lik­de «Türk­me­nis­tan bi­len Bir­le­şen Mil­let­ler Gu­ra­ma­sy­nyň ara­syn­da dur­nuk­ly ösüş ug­run­da 2021-2025-nji ýyl­lar üçin hyz­mat­daş­ly­gyň çar­çu­wa­ly mak­sat­na­ma­sy­nyň» çäk­le­rin­de dür­li uğur­lar­da hyz­mat­daş­lyk gat­na­şyk­la­ry ýo­la go­ýul­dy. BMG-niň tä­ze dü­zü­mi­niň, ýag­ny Tas­la­ma hyz­mat­la­ry bo­ýun­ça mü­dir­li­gi­niň paý­tag­ty­myz­da iş­läp baş­la­ma­gy, hal­ka­ra hyz­mat­daş­lyk çyg­ry­nyň has-da gi­ňel­dil­jek­di­gi­ni ala­mat­lan­dyr­ýar. Bu dü­zü­miň iş­läp baş­la­ma­gy hem-de des­sin tä­ze tas­la­ma­nyň, ýag­ny sag­ly­gy go­ra­ýyş ul­ga­myn­da hyz­mat­daş­ly­ga gö­nük­di­ri­len tas­la­ma­nyň dur­mu­şa ge­çi­ril­me­gi­ne ba­dal­ga be­ril­me­gi öza­ra gat­na­şyk­la­ryň gel­jek­de has-da ös­dü­ril­jek­di­gi­niň su­but­na­ma­sy­dyr. BMG-niň Tas­la­ma hyz­mat­la­ry bo­ýun­ça mü­dir­li­gi özü­niň il­kin­ji tas­la­ma­syn­da ýur­du­my­zyň çä­gin­dä­ki has­sa­ha­na­lar­dyr luk­man­çy­lyk mer­kez­le­ri­ne de­giş­li luk­man­çy­lyk en­jam­la­ry we se­riş­de­le­ri sa­tyn al­mak işi­ni ut­gaş­dy­rar.
Hor­mat­ly Pre­zi­den­ti­mi­ziň baş­tu­tan­ly­gyn­da Türk­me­nis­ta­nyň alyp bar­ýan döw­let sy­ýa­sa­ty­nyň ma­ny-maz­mu­ny dün­ýä bi­le­le­şi­gi­niň umu­ma­dam­zat äh­mi­ýet­li yn­san­per­wer ide­ýa­la­ry­na, dur­nuk­ly ösü­şe gö­nük­di­ri­len mak­sat­na­ma­la­ry­na ýug­ru­lan­dyr. Şo­ňa gö­rä-de, Bir­le­şen Mil­let­ler Gu­ra­ma­syn­da Türk­me­nis­ta­nyň öňe sür­ýän äh­li baş­lan­gyç­la­ry bi­ra­gyz­dan gol­da­nyl­ýar, de­giş­li Ka­rar­na­ma­lar bi­len ber­ki­dil­ýär. BMG-niň Baş As­samb­le­ýa­sy ta­ra­pyn­dan her ýy­lyň 12-nji de­kab­ry­nyň Hal­ka­ra Bi­ta­rap­lyk gü­ni, her ýy­lyň 3-nji iýu­ny­nyň Bü­tin­dün­ýä we­lo­si­ped gü­ni, 2021-nji ýy­lyň Hal­ka­ra pa­ra­hat­çy­lyk we yna­nyş­mak ýy­ly diý­lip yg­lan edil­me­gi Türk­me­nis­ta­nyň Mil­let­ler Bi­le­le­şi­gin­dä­ki ab­ra­ýy­nyň anyk su­but­na­ma­sy­dyr.

Re­jep­my­rat MY­RAT­BER­DI­ÝEW,
Ýag­şy­gel­di Ka­ka­ýew adyn­da­ky Hal­ka­ra
ne­bit we gaz uni­wer­si­te­ti­niň mu­gal­ly­my.

Gyzykly bolup bilerЕЩЕ ОТ АВТОРА