Jeff Bezosyň ýolbaşçylyk edýän “Blue Origin” kompaniýasynyň ilkinji kosmos gämisine hormatly myhman hökmünde 82 ýaşly aýal pilot Walli Funk çagyryldy. Şeýlelikde, Funk kosmosa çykan iň uly ýaşly adam bolar. “New Shepard” atly gämi 20-nji iýulda uçurylar. Kosmos gämisi bilen Jeff Bezos we onuň inisi Mark Bezos hem asman giňişligine çykar. Gämi Günbatar Tehasdaky çölde ýerleşýän kosmodromdan uçurylar. Uçuş 10 minut dowam eder. Ýeri gelende aýtsak, Funk 1960-njy ýyllarda zenan pilotlara astronawtlyk okuwyny berýän “Woman in Space” atly maksatnamanyň iň ýaş uçurymy bolupdy.
