Ýaponiýanyň Işikawa prefekturasynda ösdürilip ýetişdirilen bir salkym romantik üzüm Taýwan supermarketiniň eýesine rekord derejede 1,4 million ýene (takmynan 12 müň dollar) satyldy. Bu geçen ýylky rekorddan 1,3 million ýen ýokarydyr. Bu barada Kiodo agentligi habar berýär.
Satuwa rekord mukdarda – 253 salkym çykaryldy. Bu görnüş 2008-nji ýyldan bäri satuwa çykarylýar. Sentýabr aýyna çenli dowam etjek şu möwsümde 28 müň salkym satylar. Bäş ýyl ozal bir salkym üzümiň lagyl görnüşiniň iň ýokary bahasy, takmynan, 5 müň dollardy.
Bu görnüşi ösdürip ýetişdirmek 1990-njy ýyllaryň ortalarynda Işikawa prefekturasynda başlanyp, 14 ýyla çekipdi we 2007-nji ýylda hasaba alynypdy. Ol adaty üzüm görnüşlerinden özüniň üýtgeşik lagyl reňki we süýjüligi bilen tapawutlanyp, diametri, takmynan, 3 santimetre deň. Üzümiň her bir dänesiniň agramy 20 gram töweregi. Bu üzüm romantik ady we lagyl reňki bilen toý saçaklaryna zynat berýär.
