“Alibaba” kompaniýasy 6-njy gezek geçirilýän “Taobao Maker” atly festiwalyň çäklerinde Hytaýyň “Tiangong” kosmos bekediniň ýerdäki nusgasyny ýasady. Festiwalda dizaýnerler öz döreden täze işlerini köpçülige görkezýärler. Bu ýerde görkezilen kosmos bekediniň nusgasy kosmos myhmanhanasy diýlip tanyşdyryldy. Binanyň içine gireniňde özüňi kosmos stansiýasynda ýaly duýýarsyň. Täsin myhmanhananyň ýolbaşçysy Lýu Wenhao bu ýerde basyşsyz otagy döredendiklerini we gelen myhmanlaryň grawitasiýasyz şertlerde, howada uklaýandygyny aýtdy. Bu ýeriň myhmanlary edil kosmosda ýaly, howada uklamagyň ajaýyp duýgudygyny aýdýar. Şeýle hem täsin myhmanhananyň otagy sessiz we rahatlygy bilen tapawutlanýar. Otagyň içindäki sagat, ýassyk we beýleki myhmanhana otagynda bolýan zatlar howada gaýmalaşyp ýörler. Bu ýagdaý myhmanlara hakykatdan hem özlerini kosmos giňişliginde ýaly duýmagyna şert döredýär.
