“The Economist” žurnaly 2021-nji ýylyň iň howpsuz şäherleriniň sanawyny mälim etdi. Sanawda Daniýanyň paýtagty Kopengagen birinji boldy. Neşir şeýle sanawy iki ýyldan bir gezek ýaýradýar. Sanaw taýýarlananda bäş ugur – sanly ulgam, saglygy goraýyş, infrastruktura, şahsy we daşky howpsuzlyk göz öňünde tutulypdyr. Kopengagen 100-den 82,4 bal alypdyr. Kanadanyň Toronto şäheri 82,2 bal bilen ikinji bolupdyr. Sanawyň ilkinji bäşligine Singapur, Sidneý we Tokýo hem giripdir. Dünýäniň meşhur şäherleri hasaplanýan Nýu-Ýork 77,8 bal bilen 12-nji, London 77,2 bal bilen 15-nji, Pariž 74,3 bal bilen 23-nji bolupdyr. Sanawy jemi 60 şäher girizilipdir.
