Eýranyň nebit-gaz kompaniýasy “Khazar Exploration and Production” (KEPCO) Hazar deňziniň Eýran böleginde ýurduň iň uly tebigy gaz ýatagynyň tapylandygyny habar berdi. “Çalus” gaz ýatagyndaky gaz gorlarynyň Ýewropanyň gaz zerurlygynyň, azyndan, 20 göterimini üpjün edip biljekdigi mälim edilýär. Çaklamalara görä, gaz ýatagynyň gory 3,4 trillion kub metr gaza barabardyr. Bu gaz ýatagynyň tehniki we maliýe üpjünçiligine Russiýanyň we Hytaýyň ýardam bermäge taýýardygy habar berilýär.
