Birleşen Arap Emirlikleri pandemiýa döwründe koronawirus çäklendirmeleriniň çäklerinde ýurda syýahatçylyk maksatly syýahatlary togtadypdy. Ýurduň adatdan daşary ýagdaýlara seredýän Milli edarasy sanjym alan daşary ýurtlularyň ýurda kabul edilip bilinjekdigini mälim etdi. Ýurduň ykdysadyýetiniň gowulandyrylmagy we halk saglygynyň bähbitleri üçin BAE-ne barmak isleýän syýahatçylara Bütindünýä Saglygy Goraýyş Guramasy tarapyndan tassyklanan islendik sanjymy alan adama wiza berlip bilinjekdigi beýan edildi. Beýanatda täze düzgüniň 30-njy awgustdan başlap güýje girjekdigi mälim edildi.
BAE şu ýylyň maý aýynda koronawirusa uçranlaryň artandygy sebäpli Hindistan, Pakistan, Nepal, Şri-Lanka, Uganda we Nigeriýadan amala aşyrylýan ähli gatnawlary ýatyrypdy.
