VI Gündogar ykdysady forumy 2021-nji ýylyň 2-4-nji sentýabrynda Wladiwostokyň Uzak Gündogar federal uniwersitetiniň kampusynda geçiriler. Bu barada çäräniň resmi web sahypasynda mälim edilýär. “Roskongress” geçen ýylyň iýun aýynda indiki Gündogar ykdysady forumynyň 2021-nji ýylyň sentýabr aýynda boljakdygyny habar beripdi. Çünki bu forum geçen ýyl dünýäde emele gelen çylşyrymly ýagdaýlar sebäpli geçirilmedi.
Mundan öň Gündogar ykdysady forumynda Uzak Gündogary we Arktikany ösdürmek boýunça ministrligiň sergisiniň guraljakdygy habar berilipdi. “Diwarlyklar Uzak Gündogarda täze ykdysady syýasatyň netijeleri barada gürrüň berer, sebitiň ykdysadyýetiniň esasy pudaklaryny, maýa goýum mümkinçiliklerini, ösüş institutlarynyň işlerini we wezipelerini, şeýle hem amala aşyrylýan we geljegi uly maýa goýum taslamalaryny hödürlär” diýlip, resminamada aýdylýar.
Şeýle hem, forumda “Uzak Gündogara hoş geldiňiz!” atly pudaklaýyn sergi geçirmek meýilleşdirilip, onuň çäginde federal ýerine ýetiriji häkimiýetler halkara hyzmatdaşlygy pudagynda Uzak Gündogar Federal sebitiň maýa goýum mümkinçiliklerini, ileri tutýan meýilnamalaryny we megataslamalaryny hödürlärler.
