1-nji sentýabrda paýtagtymyzyň Maslahat köşgünde hormatly Prezidentimiz
Gurbanguly Berdimuhamedow Bilimler we talyp ýaşlar güni hem-de täze okuw ýylynyň başlanmagy mynasybetli umumy okuw sapagyny geçdi

Siz bi­len du­şuş­mak, pi­kir alyş­mak, duý­gu­la­ry paý­laş­mak, Ga­raş­syz­lyk ýyl­la­ry­nyň için­de ga­za­ny­lan üs­tün­lik­le­ri be­ýan et­mek – hem­mä­miz üçin uly ta­ryh. Şol nuk­daý­na­zar­dan, men hem döw­let Baş­tu­ta­ny, Be­lent Serkerdeba­şy, mu­gal­lym, pro­fes­sor, aka­de­mik hök­mün­de siz bi­len du­şu­şyp, Ga­raş­syz, Bi­ta­rap Wa­ta­ny­my­zyň ge­çen ta­ry­hy ýo­ly, mäh­ri­ban hal­ky­my­zyň ýa­şa­ýyş-dur­muş ösü­şi, hä­zir­ki ýaş­la­ry­my­zyň döw­le­tiň, jem­gy­ýe­tiň, ene-ata­nyň we maş­ga­la­nyň öňün­dä­ki we­zi­pe borç­la­ry ha­kyn­da umu­my sa­pak geç­mek ba­ra­da ka­ra­ra gel­dim di­ýip, hor­mat­ly Pre­zi­den­ti­miz bu ýe­re ýyg­na­nan­la­ry ýur­du­my­zyň jem­gy­ýet­çi­lik dur­mu­şyn­da mö­hüm or­ny eýe­le­ýän Bi­lim­ler we ta­lyp ýaş­lar gü­ni hem-de 2021-2022-nji tä­ze okuw ýy­ly­nyň baş­lan­ma­gy my­na­sy­bet­li hem-de Türk­me­nis­ta­nyň Ga­raş­syz­ly­gy­nyň ýe­tip gel­ýän şan­ly 30 ýyl­ly­gy bi­len gut­la­dy.
Mil­li Li­de­ri­miz al­tyn sa­hy­pa­lar bi­len ta­ry­ha gir­jek «Türk­me­nis­tan – pa­ra­hat­çy­ly­gyň we yna­nyş­ma­gyň Wa­ta­ny» diý­lip yg­lan edi­len ýy­lyň her gü­nü­ni hal­ky­myz şan­ly wa­ka­la­ra hem-de zäh­met üs­tün­lik­le­ri­ne bes­le­ýär di­ýip, biz al­tyn güý­züň il­kin­ji gü­nün­de Bi­lim­ler we ta­lyp ýaş­lar gü­nü­ni mil­li bi­lim ul­ga­my­nyň ok­gun­ly ös­ýän­di­gi­ni ala­mat­lan­dyr­ýan wa­ka­lar bi­len gar­şy­la­ýa­rys. Bu gün baý ma­ny-maz­mun­ly, ýo­ka­ry dö­re­di­ji­lik ru­hu­na ýug­ru­lan çä­re­ler eziz Di­ýa­ry­my­zyň äh­li se­bit­le­ri­ni gur­şap al­ýar. Şol çä­re­ler mu­kad­des döw­let Ga­raş­syz­ly­gy­my­zy, bag­ty­ýar dur­mu­şy­my­zy da­ba­ra­lan­dyr­mak bi­len, bi­lim­ler baý­ra­my­nyň ägirt uly äh­mi­ýe­ti­ni açyp gör­kez­ýär di­ýip bel­le­di.
Biz hem hor­mat­ly Pre­zi­den­ti­mi­ziň ýur­du­my­zyň gel­je­gi bo­lan mäh­ri­ban ýaş­la­ra ýüz­le­nip eden ta­ry­hy çy­ky­şyn­dan ýaş ne­sil­le­ri­mi­ze gym­ma­ty hiç zat bi­len öl­çe­nip bol­ma­jak öwüt-ün­dew­le­rin­den we sar­gyt­la­ryn­dan bir­nä­çe­si­ni si­ze ýe­tir­ýä­ris.

Gö­nez­li­gin­de pa­ra­hat­çy­ly­gy dö­ret­mek sun­ga­ty du­ran Bi­ta­rap­lyk sy­ýa­sa­ty­my­zyň ne­ti­je­sin­de, dün­ýä­niň geo­sy­ýa­sy gi­ňiş­li­gin­de «Türk­me­nis­tan» at­ly par­lak ýyl­dyz dö­re­di.
Eziz ýaşlar, bu hakykaty si­ziň äh­li­ňiz ata Wa­ta­ny­my­za buý­sanç duý­gu­sy­ny oýar­ýan tag­ly­mat hök­mün­de kal­by­ňyz­da gö­ter­me­li­si­ňiz! Bu tag­ly­mat pe­der­le­ri­mi­ziň ar­zuw-yna­myn­dan, yh­la­syn­dan wy­sal bo­lan ber­ka­rar döw­le­ti­mi­ziň gel­je­gi­ne jo­gap­kär ne­sil, kal­by hy­juw­dan do­ly ýaş­lar hök­mün­de si­zi be­lent mak­sat­la­ra ruh­lan­dyr­ma­ly­dyr.
Bi­ziň top­ra­gy­myz­da ýe­ne-de dün­ýä yl­myn­da iň­ňän wa­jyp äh­mi­ýet­li açyş­la­ry edip, şam­çy­rag – ýol­gör­ke­zi­ji bol­jak eser­le­ri dö­ret­jek bi­ru­ny­la­ryň, luk­man he­kim­le­riň, mä­ne ba­ba­la­ryň, ho­rez­mi­le­riň, fa­ra­by­la­ryň, mer­we­zi­le­riň, amu­ly­la­ryň, za­mah­şa­ry­la­ryň, kub­ra­la­ryň, ne­se­wi­le­riň, mas­son­la­ryň we sa­ria­ni­di­le­riň, jy­ky­ýew­le­riň hem-de ata­ny­ýa­zow­la­ryň dö­re­jek­di­gi­ne men berk ynan­ýa­ryn.
Ýü­re­gi «Mäh­ri­ban hal­kym, eziz Wa­ta­nym, jan Türk­me­nis­ta­nym!» di­ýip ur­ýan, ili­mi­ziň ba­ky bag­ty­ýar­ly­gy, ýur­du­my­zyň be­ýik gel­je­gi üçin oka­ýan, zäh­met çek­ýän ýaş­lar bi­ziň buý­san­jy­myz­dyr.
Halk hem Wa­tan ba­ra­da­ky mu­kad­des dü­şün­je­ler ýi­git­le­ri­mi­ziň we gyz­la­ry­my­zyň kö­ňül­le­ri­niň owa­zy, dil­le­ri­niň se­na­sy bol­ma­ly­dyr. Ýaş­la­ry­myz äh­li güýç­le­ri­ni, bi­lim­le­ri­ni hem-de ba­şar­nyk­la­ry­ny Wa­ta­ny­my­zyň ösüş­le­ri­ne, dün­ýä­dä­ki ab­raý-mer­te­be­si­niň has-da be­len­de gal­ma­gy­na ba­gyş et­me­li­dir.
Ha­lal zäh­met yn­sa­nyň ab­raý-mer­te­be­si­ni, öm­rü­niň ma­ny­sy­ny art­dyr­ýar. Be­ýik mak­sat­la­ra ýet­mek üçin zäh­me­ti he­mi­şe özü­ňi­ze hem­ra edi­niň! Si­ziň çek­ýän zäh­me­ti­ňiz he­mi­şe ha­lal, ile-ýur­da bäh­bit­li bol­sun!
Okaň, gu­ruň, dö­re­diň! Eziz Wa­ta­ny­my­zy, ak şä­he­ri­miz Aş­ga­ba­dy, mer­da­na hal­ky­my­zy aja­ýyp şy­gyr­la­ry­ňyz, kys­sa­la­ry­ňyz, saz­la­ry­ňyz, sun­gat eser­le­ri­ňiz bi­len be­lent­den wasp ediň!
Bi­ziň ýaş­la­ry­myz bu gün pe­der­le­ri­mi­ziň ylym dün­ýä­sin­dä­ki be­ýik açyş­la­ry­na buý­san­ma­ga hak­ly­dyr. Şo­nuň bi­len bir­lik­de, olar adam­za­dyň ylym­da hem-de teh­no­lo­gi­ýa­da ga­za­nan üs­tün­lik­le­ri­ni bar­ha düýp­li öz­leş­dir­ýär­ler.
Bu gün türk­men paý­ha­sy dün­ýä nur saç­ýar, türk­men top­ra­gyn­da ägirt uly öz­gert­me­ler dur­mu­şa ge­çi­ril­ýär. Şu şöh­rat­ly za­ma­na­da oka­mak, öw­ren­mek, ata-ba­ba­la­ry­my­zyň dö­re­den mu­kad­des­lik­le­ri­ne we­pa­ly bol­mak, eziz Wa­ta­na jan-u-ten­den hyz­mat et­mek ýaş­la­ry­my­zyň baş mak­sa­dy bol­ma­ly­dyr .
Ge­çi­r­ýän giň ge­rim­li iş­le­rimiziň ne­ti­je­sin­de paý­tag­ty­my­z gel­jek­de has-da gö­zel­le­şer, dün­ýä­niň iň nu­ra­na şä­her­le­ri­niň bi­ri­ne öw­rüler. Men ýaş­la­ry paý­tag­ty­my­zyň XXI asy­ryň nus­ga­lyk şä­he­ri hök­mün­de yk­rar edil­me­gi­ne my­na­syp go­şant­la­ry­ny goş­ma­ga çagyrýaryn.
Biz mek­dep okuw­çy­la­ry­nyň we ta­lyp­la­ryň hal­ka­ra bäs­le­şik­ler­de ga­zan­ýan üs­tün­lik­le­ri­ne gu­wan­ýa­rys. Ýaş­la­rymyzyň gel­jek­de-de hal­ka­ra ders bäs­le­şik­le­rin­de, olim­pia­da­lar­da baý­rak­ly orun­la­ra my­na­syp bo­lup, ýur­du­my­zyň ab­ra­ýy­ny has be­len­de gö­ter­jek­di­gi­ne berk ynan­ýa­ryn.
Yn­san he­mi­şe kä­mil­li­ge ym­tyl­ýar. Kä­mil­lik bol­sa mer­te­be we de­re­je­dir. Ýaş­la­ry­myz bu ha­ky­ka­ta göz ýe­tir­me­li­dirler. Ýa­daw­syz zäh­met, bi­lim­le­ri we hü­när­le­ri yh­las­ly ele al­mak, tej­ri­be top­la­mak kä­mil­li­ge elt­ýän ýol­dur. Ýaş ne­sil­le­ri­miz­de hal­ky­my­zyň iň oňat, iň gö­zel, iň be­lent ah­la­gy jem­len­me­li­dir.
Yn­sa­nyň ede­bi al­tyn­dan gym­mat­dyr, gym­mat­ba­ha daş­lar­dan owa­dan­dyr.
Ýaş­lar, siz pe­der­le­ri­mi­ziň ýo­lu­ny my­na­syp do­wam edip, ýag­şy gy­lyk-hä­si­ýet­le­ri­ňiz, adam­kär­çi­li­gi­ňiz, ba­şar­ny­gy­ňyz bi­len ta­na­lyp, ha­ky­ky türk­men bo­lup dün­ýä çyk­ma­ly­sy­ňyz!
Türk­men ýi­git­le­ri­niň we gyz­la­ry­nyň aky­ly jöw­her dek ýi­ti bol­ma­ly­dyr. Çün­ki siz özü­ni taý­syz ze­hi­ni bi­len dün­ýä ta­na­dan hal­kyň nes­li­si­ňiz. Türk­men ýi­git­le­ri­niň we gyz­la­ry­nyň ýü­zi nu­ra­na bol­ma­ly­dyr. Çün­ki siz yn­san­per­wer­li­giň be­lent däp­le­ri­ni dün­ýä ýa­ýan yn­san­la­ryň nes­li­si­ňiz.
Türk­men ýi­git­le­ri­niň we gyz­la­ry­nyň süň­ňi sap bol­ma­ly­dyr. Çün­ki siz be­den hem-de ru­hy taý­dan päk­li­giň be­lent ka­da­la­ry bi­len dün­ýä­ni haý­ra­na go­ýan mil­le­tiň nes­li­si­ňiz.
Spor­ty sö­ýüň! Sport güýç-gaý­rat­dyr, gö­zel­lik­dir, sag­dyn­lyk­ we ru­hu­be­lent­lik­dir.
Türk­men spor­tu­nyň be­ýik gel­je­gi mer­da­na ýaş­la­ry­my­zyň ynam­ly el­le­rin­de­dir. Biz mu­ňa çäk­siz buý­san­ýa­rys.
Wa­ta­na bo­lan söý­gi ýü­rek­de orun alan iň nä­zik we pä­ki­ze duý­gydyr. Onuň gym­ma­ty­ny hiç zat bi­len öl­çäp bol­maz. Ýü­rek­den çy­kan sö­züň ýü­re­ge bar­şy ýa­ly, yh­las bi­len ba­şy­na bar­lan iş hem bit­män gal­ma­ýar. Her bir işe ýü­rek­den ýa­py­şyp, mer­da­na hal­ky­my­zyň ady­ny has-da be­len­de gö­ter­mek, ba­şy­my­zyň tä­ji­ne de­ňe­ýän eziz Wa­ta­ny­my­zyň şöh­ra­ty­na şöh­rat goş­mak, Si­ziň esa­sy bor­ju­ňyz­dyr.
Mäh­ri­ban ýaş­lar! Ýur­du­my­zyň ge­le­je­gi siz bi­len­dir!.
Mäh­ri­ban we eziz ýaş­lar! Siz bi­len öňe, öňe, di­ňe öňe jan Wa­ta­nym Türk­me­nis­tan!

Gyzykly bolup bilerЕЩЕ ОТ АВТОРА