Angliýanyň ýokary okuw mekdepleri barada maglumatlar berýän Times Higher Education (THE) žurnaly täze sanawy mälim etdi. Dünýäniň iň gowy ýokary okuw mekdepleriniň sanawynda amerikan we iňlis mekdepleri öňdäki orunlary eýeledi. Sanawda Angliýanyň Oksford uniwersiteti 6-njy gezek yzly-yzyna ilkinji orna mynasyp boldy. Bu uniwersitet, esasan, sungat we ynsanperwer ugurlarynda dünýä derejesinde alyp barýan işleri sebäpli beýleki reýtinglerde hem hemişe sanawyň başynda özüne orun tapýar. ABŞ-nyň Kaliforniýanyň tehnologiýa instituty hem-de Garward uniwersitetleri ikinji orny paýlaşdylar. Ikinji orna iki uniwersitet düşensoň, üçünji orun boş goýlupdyr. Dördünji ýeri Stenford uniwersiteti eýeläpdir. Massaçusets tehnologiýa instituty bäşinji bolupdyr.
Sanawa dünýäniň 99 ýurdundan ýa-da sebitinden okuw mekdepleri girizilipdir. Ilkinji 200 uniwersitetiň arasynda jemi 27 ýurtdan azyndan bir sany okuw jaýy bar.
Ilkinji 200-lik sanawda Ýaponiýadan we Hytaýdan hem ýokary okuw mekdepleri bar, emma olaryň sany Germaniýa, Awstraliýa we Niderlandlar ýaly ýurtlaryňkydan az.
Neşir sanawy taýýarlanda, okuw mekdepleriniň ylmy barlaglaryna, halkara işlerine, girdejilerine, geçen ýylky sanawdaky ornuna we beýleki ölçeglere seredýär.
