Düýn, 8-nji sentýabrda Marokkoda geçirilen Parlament saýlawlarynda bileleşik boýunça hyzmatdaş “Garaşsyzlaryň Milli Bileleşigi” ýeňiş gazandy. Bu barada Marokkanyň içeri işler ministrliginiň ýolbaşçysy Abdeluaafi Laftit metbugat ýygnagynda mälim etdi. Ministriň sözlerine görä, sesleriň 96 göterimi sanalyp, netijede, RNI Mejlisde 97 orna eýe boldy.
“Asyllylyk we döwrebaplyK” (PAM) – 82, “Istiklal” (Garaşsyzlyk) – 78, “Sosialistik Bileleşik” – 35, “Halk Hereketi” – 26, “Ösüş we Sosializm” – 20 we “Konstitusiýa Bileleşigi”- 18 orun aldy.
Bileleşigiň iň uly hyzmatdaşy “Adalat we Ösüş” partiýasy (PJD) Mejlisden 12 orny aldy. Galan 12 mandaty bolsa, beýleki 12 partiýa gazandy.
Düýn Marokkanyň içeri işler ministrligi Parlament we ýerli saýlawlara gatnaşygyň 50,18 göterime deň bolandygyny habar berdi.
Marokkodaky saýlawlara 4,5 müňden gowrak synçy gatnaşdy.
