Fransiýanyň çempionaty Ligue 1-iň 3-nji tapgyrynda Nissa-Marsel duşuşygy wakalara baý bolupdy. Ýerli janköýerleriň meýdança ony-muny zyňmagyndan soň, marselli futbolçylar esasan hem Dimitri Paýet olara gaýtawul beripdi. Şondan soň meýdançada kiçeňräk uruş bolup, oýun ýatyrylypdy. Ýurduň futbol federasiýasy şol duşuşyk bilen baglanyşykly gutarnykly netijäni mälim etdi. Şeýlelikde, Nissa topary öz meýdançasyndaky 3 duşuşygy janköýersiz oýnar. Toparyň ilkinji etapda bir, umumylykda 2 utugy aýrylar. Marsel toparyndan Paýete 1, Alwaro Gonzalese 2 oýunlyk jerime berildi. Janköýer bilen urşan Marsel toparynyň fizioterapewti Pablo Fernandese bolsa, möwsümiň ahyryna çenli Ligue 1-iň çäklerindäki hiç bir guramaçylyga gatnaşmazlyk jerimesine sezewar edildi.
Şol duşuşyk bolsa bitarap meýdançada tomaşaçysyz ýagdaýda oýnalar. Duşuşygyň geçiriljek wagty soň belli ediler.
