Dünýäniň iň köp kubok gazanan futbolçysy hasaplanýan braziliýaly Dani Alwes häzirki wagtda klubsuz galdy. Onuň ýurdunyň Sao-Paolo topary bilen şertnamasy tamamlanyp, ol bu klubda 2 möwsüm çykyş etdi. 38 ýaşyndaky sag gyraky goragçy karýerasy boýunça ýurdunyň Bahia toparynda futbola başlap, soňlugy bilen Ýewropa Sewilýa, Barselona, Ýuwentus, PSŽ ýaly öňdebaryjy klublarynda oýnady. Braziliýanyň ýygyndysynda 119 oýun geçiren Dani Alwes soňky gezek Tokio 2020-de Olimpiýa ýygyndy bilen altyn medal gazanypdy. Karýerasy boýunça 43 kubok gazanan Dani Alwes dünýäniň iň köp kubok gazanan futbolçysy hasaplanýar. Futbolçynyň öňümizdäki günlerde ýene bir klub bilen esasan hem öz ýurdunyň bir kluby bilen şertnama baglaşmagyna garaşylýar.
