De­ri be­de­ni­mi­zi dür­li te­bi­gy tä­sir­ler­den go­rap sak­la­ýar. Ho­wa­nyň üýt­ge­me­gi de­rä gö­nü­den-gö­ni tä­sir ed­ýär. Pas­lyň ça­lyş­ma­gy bi­len ýy­ly­ly­gyň, çyg­ly­ly­gyň, ýe­liň we ult­ra­me­lew­şe şöh­le­le­riň üýt­ge­me­gi de­rä ýa­ra­maz tä­sir edip bil­ýär. Şol se­bäp­li de­ri her pa­syl­da baş­ga­ça ide­gi ta­lap ed­ýär. So­wuk ho­wa­da de­ri­niň gö­ze­nek­le­ri berk­leş­ýär we ýa­gyň bö­lü­nip çyk­ma­gy ýo­kar­lan­ýar. Güýz­de edil­ýän ideg to­mus aý­la­ry­nyň de­ri­mi­ze ýe­ti­ren tä­si­ri­ni aýyr­mak­da äh­mi­ýet­li bo­lup dur­ýar. So­wuk ho­wa de­ri­ni gu­rad­ýar. Şo­nuň üçin de­ri­mi­zi aras­sa­la­mak, nem­len­dir­mek we ideg et­mek ze­rur­dyr. Mu­ny öý şert­le­rin­de aň­sat­lyk bi­len ama­la aşy­ry­p bo­lar. Il­ki bi­len, de­ri­ni aras­sa­la­ma­ly we nem­len­dir­me­li. Ýü­zü­mi­ze si­ňen to­za­ny, ha­pa­la­ry aýyr­mak üçin kos­me­ti­ki tä­miz­leý­ji­le­ri ýa-da te­bi­gy nem­len­di­ri­ji sa­byn­la­ry ula­nyp bi­ler­si­ňiz. De­ri­mi­ziň mi­ne­ral­la­ry­ny di­kelt­mek üçin te­bi­gy usul­la­ry­ň bi­ri hem zeý­tun ýa­gy­dyr. Bu ýag, esa­sa­nam, gu­ry de­ri­ni nem­len­dir­mek we «jan­lan­dyr­mak» üçin peý­da­ly­dyr. Mun­dan baş­ga-da, köp suw iç­mek­, gök önüm­ler we mi­we­ler bi­len iý­mit­len­mek de­ri­miz üçin peý­da­ly­dyr. Luk­man­lar mi­we­dir gök önüm­le­ri di­ňe ýe­tiş­ýän we te­bi­gy şert­ler­de sak­lap bol­ýan wag­tyn­da iý­me­gi mas­la­hat ber­ýär­ler. De­ri­niň çyg­ly­ly­gy­nyň de­ňag­ram­ly­ly­gy­ny sak­la­mak üçin her gün 2-2,5 litr suw iç­mek mö­hüm­dir. Çaý we ko­fe ýa­ly iç­gi­le­riň hiç wagt su­wuň or­nu­ny tut­ma­ýan­dy­gy­ny ýat­dan çy­kar­ma­ly däl­dir. So­wuk we şe­mal­ly ho­wa­da de­ri has köp gu­ra­ýar. Mu­nuň üçin nem­len­di­ri­ji krem­le­ri ulan­mak mas­la­hat be­ril­ýär.

Güýz­de sa­ça ideg et­mek
Güýz pas­lyn­da saç ga­ty we in­çe bol­ýar. Şol se­bäp­li has köp düş­ýär, go­ňak­la­ma­gy hem müm­kin. Bu ýag­daý­lar sa­ça ta­la­ba­la­ýyk ideg edil­me­dik ýag­da­ýyn­da ýü­ze çyk­ýar. Güýz pas­lyn­da sa­çy­ňy­zyň çe­ýe­li­giniň pe­sel­ýän­di­gi se­bäp­li adat­da­ky­syn­dan so­lak gö­rün­me­gi müm­kin. Mu­nuň se­bä­bi bol­sa ho­wa­nyň so­wa­ma­gy ne­ti­je­sin­de sa­çyň çyg­ly­ly­gy­nyň ýit­me­gi bo­lup dur­ýar. Güýz­de saç adat­da­ky­syn­dan iki es­se köp düş­ýär. To­mus­da ho­wuz­da we de­ňiz su­wun­da, güýç­li Gün şöh­le­si, to­zan sa­çy­ňy­zyň gu­ra­ma­gy­na se­bäp bol­ýar. Bu­la­ryň öňü­ni al­mak üçin il­ki sa­çy­ňy­zyň ýi­ti­ren çyg­ly­ly­gy­ny di­kelt­me­li. To­mus­da­ky ýa­ly her gün­de saç ýuw­ma­gy bes et­me­li. Sa­çy­ňyz­da­ky te­bi­gy ýa­gyň saç üçin iň go­wy ideg önü­mi­di­gi­ni we sa­çy­ňy­zy nä­çe ýuw­sa­ňyz, şon­ça-da gu­rak­lygyň ýü­ze çy­kyp baş­la­ýan­dy­gy­ny ýa­dy­ňyz­dan çy­kar­maň! Sa­çy­ňy­zy hep­de­de 2 ýa-da 3 ge­zek ýu­wuň! Gyz­gyn suw däl-de, my­la­ýym suw ula­nyň! Şam­pun we beý­le­ki se­riş­de­ler­den do­ly aras­sa­la­mak üçin sa­çy­ňy­zy ma­za­ly dur­la­ma­gy unut­maň! Se­bä­bi bu se­riş­de­le­riň ga­lyn­dy­la­ry sa­çyň gys­ga wagt­da ha­pa ýyg­na­ma­gy­na se­bäp bo­lar. Kel­le de­ri­ňi­zi ow­ka­laň! Kel­lä­ni bar­mak­la­ryň ujy bi­len te­ge­lek he­re­ket­ler bi­len ow­ka­la­mak gan aý­la­ny­şy­ny ýo­kar­lan­dyr­ýar. Bu bol­sa sa­çyň diňe bir owa­dan gö­rün­me­gi­ne se­bäp bol­man, eý­sem, onuň dö­kül­me­gi­ni hem azal­dar.

Gyzykly bolup bilerЕЩЕ ОТ АВТОРА