9-njy oktýabrda Sebastýan Kurs Awstriýanyň Kansleri wezipesinden çekilýändigini mälim edipdi. Şu gün 11-nji oktýabrda Wenadaky Hofburg köşgünde täze Kansler Aleksandr Şallenberg we täze daşary işler ministri Mihael Linhart Awstriýanyň Federal Prezidenti Aleksandr Wan der Belleniň diwanynda kasam kabul etdiler.
Ýeri gelende bellesek, Kurs konserwatiw Awstriýa Halk Partiýasynyň (ANP) lideri we Milli Geňeşiň (Mejlisiň aşaky palatasy) wekili wezipesinde galjakdygyny mälim etdi.
Işinden çekilendigine garamazdan, Kurs partiýanyň başlygy we parlament fraksiýasynyň ýolbaşçysy bolmagynda galýar. Kurs 2017-nji ýylyň dekabrynda 2019-njy ýylyň maý aýyna çenli ýurduň kansleri bolupdy. 2020-nji ýylyň ýanwaryndan başlap, ikinji gezek bu wezipä saýlanypdy.
