Futbolyň iň ösen yklymy Ýewropa futbolynda milli çempionatlarda her hepde diýen ýaly güýçli klublaryň özara duşuşygyna gabat gelmek bolýar. Wagtal-wagtal bolsa her çempionatyň derbileri, esasy duşuşyklary bir günde jemlenip, futbol janköýerleri ýatdan çykmajak futbol baýramçylygyny başdan geçirýärler. Ine, şeýle futbol baýramçylygynyň boljak günleriniň biri-de 24-nji oktýabr bolup, şol gün biri-birinden gyzykly, dartgynly derbiler, köne bäsdeşleriň duşuşyklary garaşýar. Günüň ilkinji derbisi London derbisi bolup, West Ham öz meýdançasynda Tottenhamy kabul eder. Derbileriň seresi hasaplanýan “El Clasico” hem bar bolup, edil ozalkylar ýaly bolmasa-da, soňky ýyllaryň ilkinji hem Ronaldosyz, hem-de Messisiz, başgaça aýdylanda, super ýyldyzlarsyz bolsa-da, “El Clasico” hemişe-de “El Clasico” bolýar. “El Clasico” duşuşygyny “Türkmenistan sport” teleýaýlymy hem görkezer.
Iň köp üns merkezdäki duşuşyk Mançester Ýunaýted bilen Liwerpulyň arasyndaky oýun hasaplanýar. 20:30-da başlanjak oýunda Ýunaýted çempionatdaky şowsuz ýörişini soňlap bilermi?
Şeýle-de “Serie A”-da “Italia” derbisinde Inter öz meýdançasynda Ýuwentusy kabul eder. Serie A-da tapgyryň ýene bir esasy oýny Roma bilen ýeňlişsiz barýan Napoli duşuşar.
Dartgynlylygy bilen tapawutlanýan “Le Classique” derbisinde-de Marsel bilen PSŽ özara güýç synanyşar.
Şeýle-de Niderlandlaryň çempionatynda ýurduň iki öňdebaryjy kluby Aýaks bilen PSW Amsterdam duşuşyk geçirer.
Ýekşenbe gününde-de Stambul derbisinde Beşiktaş öz meýdançasynda Galatasaraýy labul eder.
22-nji oktýabr:
Arsenal – Aston Willa (00:00)
23-nji oktýabr:
Bawariýa – Hoffenhaým (18:30)
Bolonýa – Milan (23:45)
24-nji oktýabr:
Nissa – Lion (16:00)
West Ham – Tottenham (18:00)
Barselona – Real Madrid (19:15)
Aýaks – PSW (19:45)
Mançester Ýunaýted – Liwerpul (20:30)
Roma – Napoli (21:00)
Inter – Ýuwentus (23:45)
Marsel – PSŽ (23:45)
Atletiko – R. Sosiedad (00:00)
25-nji oktýabr:
Lokomotiw – Soçi (21:00)
Beşiktaş – Galatasaraý (22:00)
