Ýaponiýada parlamentiň aşaky palatasy – Wekiller palatasyna (Sýugiin) geçirilen saýlawlarda ýurduň dolandyryjy Liberal-demokratik partiýasy (LDP) koalisiýa boýunça kiçi hyzmatdaşy Komeito bilen birlikde 465 orundan 293-sine eýe boldy. Saýlawlardan öň dolandyryjy bileleşik 305 orny eýeleýärdi.
31-nji okt­ýabr­da Ýa­po­ni­ýa­nyň 47 we­la­ýa­tyn­da aşa­ky pa­la­ta­nyň we­kil­le­ri­ni saý­la­mak mak­sa­dy bi­len 46 müň­den gow­rak saý­law uças­to­gy açyl­dy. Wekiller palatasynyň saýlawlary Ýaponiýada iň möhüm parlament saýlawlary hasaplanýar, sebäbi aşaky palata möhüm meseleler babatda ýokarky palatadan ileri tutulýar. Wekiller palatasynyň düzüminde ýerine ýetiriji häkimiýetiň işine baha berýän birnäçe komitet bolup, hö­kü­met baş­tu­ta­ny­nyň saý­lan­ma­gyn­da we döw­let býud­je­ti­niň tas­la­ma­sy­nyň ka­bul edil­me­gin­de mö­hüm or­ny eýe­le­ýär.
Bu sy­ýa­sy çä­re­de do­kuz par­ti­ýa­dan 1051 da­laş­gär par­la­ment­dä­ki 465 orun üçin bäs­leş­di. Ýaponiýada garyşyk ses bermek ulgamy bar: 289 deputat bir mandatly okrug boýunça saýlanýar, galan 176-sy 11 sebitde partiýanyň proporsional ses bermegi esasynda saýlanýar. Ýurt­da he­re­ket ed­ýän ka­nun­la­ra gö­rä, 233 or­ny eýe­län par­ti­ýa mej­lis­de köp­lü­gi ga­zan­ýar.
Ýaponiýanyň täze Premýer-ministri Fumio Kisida bu wezipä belleneninden köp wagt geçmänkä saýlaw geçirdi. Ol 4-nji oktýabrda Ýosihide Suganyň ýerine geçdi.
Diňe LDP tarapyndan gazanylan sesler hem köplük üçin ýeterlik boldy – 261 orun, ýöne bu saýlawdan ozalkydan 15 orun az. Komeito 32 orun al. 2015-nji ýylda döredilen “Ýaponiýanyň innowasiýa partiýasy” Wekiller palatasyndaky wekilçiligini 41 orna çenli – üç esse artdyrdy. “Konstitusiýa demokratik partiýasy” aşaky palatada 96 orun alar. Mundan başga-da, Halk Demokratik partiýasy 11 orun, Kommunistik partiýa 10, “Reiwa Şinsengumi” 3 we Sosial-demokratik partiýasy 1 orun bilen Wekiller palatasyna girdiler.

Gyzykly bolup bilerЕЩЕ ОТ АВТОРА