Kosmosdan internet ibermek isleýän “Amazon” 2022-nji ýylyň ahyryna çenli “Kuiper” taslamasy üçin ilkinji nusgalyk hemralaryny uçurar. Ilkinji uçuşlar kompaniýa emeli hemralaryň dizaýnyny we uçuş proseduralaryny has gowy düzmäge kömek eder. “Amazon” hemralary Ýeriň aşaky orbitasyna çykarmak üçin “ABL Space Systems” şereketi bilen hyzmatdaşlyk etdi. “Amazon” taslamanyň ahyrynda 3 müň 236 hemranyň işe giriziljekdigini mälim etdi. “Kuiper” bilen bir hatarda “Starlink” we “OneWeb” ýaly taslamalar internet infrastrukturasynyň ýok ýerlerine ýokary tizlikli internet hödürlemegi maksat edinýär. Nazary taýdan müşderiler dünýäniň islendik ýerinden hemra internetine birigip bilýärler.
