Şwesiýanyň ABBA topary 40 ýyllyk arakesmeden soň ilkinji albomyny çykardy. Bu barada toparyň web sahypasynda habar berildi. Albomyň ady “Voyage”. ABBA sentýabr aýynda plastinkasynyň goýberiljekdigini mälim edipdi. Şol bir wagtyň özünde, topar eýýäm iki aýdym hödürledi: “I Still Have Faith in You” we “Don’t Shut Me Down”. ABBA albomyny 2022-nji ýylyň ýazynda konsertde hödürlemegi meýilleşdirýär. Munuň üçin şwedler Londonda öz meýdançasyny açarlar. Şeýle-de gatnaşyjylaryň özleri sahnada peýda bolman, eýsem “abbatarlar” diýilýän “ýaş” gologrammalary çykarlar. Wirtual sazandalary “Ýyldyz söweşleriniň” režissýory Jorj Lukas tarapyndan döredildi.
ABBA 1972-nji ýylda esaslandyryldy. ABBA-nyň iň soňky albomy “The Visitors” 1981-nji ýylda çykdy, topar bary-ýogy 10 ýyl işländen soň dargady. “Voyage” onuň dokuzynjy albomy. Häzir kwartetiň sazandalary 71 ýaşdan 76 ýaş aralygynda.
