UEFA Çempionlar Ligasynda “F” toparçada Mançester Ýunaýted myhmançylykda Wilýarreal toparyndan 2-0 üstün çykdy. Iňlis klubuna ýeňiş getiren gollary 78-nji minutda Kristiano Ronaldo bilen 90-njy minutda Ýunaýtedde ilkinji gezek tapawutlanan Jeýdon Sanço geçirdi. Bu ýeňişden soň Mançester Ýunaýted toparçada 1-nji orny eýeläp, 1/8 finala adyny ýazdyrdy. Karýerasyndaky 799-njy goluny geçiren Ronaldo iňlis klublarynyň taryhynda UÇL-de bir möwsümiň ilkinji 5 duşuşygynda tapawutlanan ilkinji futbolçy boldy. Ronaldonyň şu möwsümdäki klub gollarynyň sany 10-a ýetip, ol bassyr 17 möwsümde 10 we 10-dan köp gol geçirdi.
Toparçadaky beýleki duşuşykda 6 gol geçirilip, ýer eýeleri soňky minutlarda 3-2 öňe saýlansa-da, ýeňiş gazanmak olara başartmady. Çekeleşikli geçen bu duşuşykda Ýang Boýs bilen Atalanta duşuşyp, oýun 3-3 deňlikde tamamlandy. Ýang Boýzuň gollaryny Siebatçeu (39), Sierro (80), Hefti (84), Atalantanyň gollaryny-da Zapata (10), Palomino (51) hem-de Muriel (81) derwezä girizdi. Ýang Boýzuň ýaryşy dowam etdirmek mümkinçiligi galmady.
