Argentinanyň çempionaty “Primera Division”-da ýurduň güýçli klublaryndan Riwer Pleýt wagtyndan öň çempionlygyny yglan etdi. 131-nji gezek geçirilýän çempionatyň 22-nji tapgyrynda öz meýdançasynda Rasingi Agustin Palaweçinonyň, Hulian Alwaresiň hem-de Braýan Romeronyň (2) gollary bilen 4-0 ýeňen Riwer Pleýt utugyny 52-ä çykaryp, 2-nji ýerdäki Defensa y Ýustisiýa klubundan 12 utuk öňe saýlandy. Şeýlelikde, Riwer Pleýt Argentinanyň çempionatynda 7 ýyldan soň 37-nji çempionlygyny gazandy. Galyberse-de, Marselo Galýardo Riwer Pleýt toparyndaky tälimçi hökmünde 13-nji kubogyny gazandy. Bu onuň milli çempionatdaky ilkinji çempionlygydyr.
