Angliýanyň Premier Ligasynda 13-nji tapgyryň iň esasy oýnunda ýeňiş gazanan bolmady. Sanawyň lideri Çelsi öz meýdançasynda Mançester Ýunaýted bilen duşuşdy. Ýer eýeleriniň doly artykmaçlygynda geçen oýnuň 1-nji ýarymynda hasap açylmady. Oýnuň 50-nji minutynda garşylyklaýyn hüjümde öňe okdurylan Ýunaýtediň oýunçylary hasaby açmagy başardylar. Žoržinionyň ýalňyşlygyndan soň topy alyp, derwezeçi bilen ýekeme-ýeke galan Jeýdon Sanço APL-däki ilkinji goluny geçirdi. Duşuşygyň 69-njy minutynda-da Çelsi hasaby deňledi. Bu goly penaltiden Žoržinio derwezä girizdi. Şondan soň toparlaryň eden tagallalary hasabyň üýtgetmäge ýeterlik bolmady. Şunlukda, duşuşyk 1-1 deňlikde tamamlandy. Çelsi toparyna Mançester Ýunaýtedi bu gezek ýeňmek başartmady. Londonlylara güýçli garşydaşyny çempionatda 8 oýundan bäri ýeňmek başardanok. Soňky gezek 2017-nji ýylda 1-0 ýeňen Çelsi şondan bäri oýnalan 8 duşuşykda 3 sapar ýeňildi, 5 gezegem deňme-deň oýnady.
