2023-nji ýylda Awstraliýa we Täze Zelandiýada geçiriljek zenanlaryň arasyndaky FIFA Dünýä Kubogynyň saýlama tapgyrynda uly hasaply ýeňişleriň hasaba alynmagy dowam edýär. Ýewropa zolagynyň “A” toparçasynda Angliýanyň zenanlar ýygyndysy öz meýdançasynda Latwiýanyň ýygyndysyny 20-0 hasabynda ýeňdi. 1-nji ýarymy 8-0 tamamlanan duşuşykda iňlisleriň gollaryny Hemp (4), Mid (3), Waýt (3), Russo (3), Ingland (2), Tun, Stenweý, Karter, Skott hem-de Nobbs geçirdi. Angliýanyň ýygyndysy myhmançylykda-da Latwiýany 10-0 ýeňipdi. Bulardan başga-da toparçada Angliýanyň ýygyndysy Lýuksemburgy myhmançylykda 10-0, Demirgazyk Makedoniýany 8-0 hasaplar bilen ýeňlişe sezewar edipdi. 6 oýunda 53 gol geçiren iňlis gyzlary 1 gol hem geçirtmediler. Toparçadaky beýleki duşuşyklarda-da Demirgazyk Irlandiýanyň ýygyndysy Demirgazyk Makedoniýany 9-0, Awstriýa myhmançylykda Lýuksemburgy 8-0 utdy.
