Düýn – 8-nji dekabrda Gazagystanyň Baýkonur kosmodromyndan uçurylan ýapon kosmos syýahatçylary milliarder Ýusaku Maedzawa, onuň kömekçisi Ýodzo Hirano hem-de rus kosmonawt Aleksandr Misurkin Halkara Kosmos Bekedine (HKB) uçurylypdy. Olaryň bekede sag-aman birigendigi mälim edildi. Ýaponlar syýahatçylyk maksady bilen, rus kosmonawt Misurkin bolsa, orbitada Russiýanyň TASS habar gullugynyň wekilhanasyny açmak üçin ýörite habarçy hökmünde gitdi.
Misurkiniň dolandyran “Soýuz MS-20” kosmos gämisi, awtomatiki usulda HKB bilen sepleşdi. Ýapon Syýahatçylar beketde 12 gün bolarlar.
Kosmos gämisi bilen HKB-däki rus ekipažynyň agzalary üçin Täze ýyl sowgatlary, öýde taýýarlanan tagamlar we ylmy synaglar üçin enjamlar hem äkidildi.
Ýapon syýahatçylary ylmy-barlag toplumynyň maksatnamasyna gatnaşarlar, şeýle hem internet ulanyjylarynyň wezipelerini ýerine ýetirerler.
Şeýle-de “Roskosmos” döwlet korporasiýasy 2030-njy ýyldan soň Aýa uçuşy hödürläp biljekdigini habar berdi.
