Ýewropa Komissiýasy çilimkeşlige garşy göreşiň çäklerinde 2040-njy ýyla çenli “temmäkisiz nesil” emele getirmegi maksat edinýär. Şu ýylyň maý aýynda “Lancet” atly lukmançylyk žurnalynda çap edilen makalada 1990-njy ýyldan bäri çilim ulanylyşynyň azalýandygy mälim edilipdi. Muňa garamazdan häzirki wagtda hem çilim çekýänler az däl. Ýewropa Bileleşigine agza ýurtlarda 2006-njy ýyldan bäri çilim çekýänleriň sany birneme peselipdir. Şeýle-de bolsa, Ýewropa Komissiýasy sagdyn jemgyýeti emele getirmek üçin temmäki önümleriniň ulanylyşyny azaltmagy maksat edinýär. Temmäki sebäpli ýüze çykýan keseller öňüni alyp boljak saglyk töwekgelçiligi hasaplanýar. Ýewropa Bileleşiginiň Saglygy goraýyş komissary Stella Kiriakides 2040-njy ýyla çenli çilim çekýänleriň sanynyň 5 göterimden az bolmagyny maksat edinýändiklerini belleýär.
