Ýewropanyň Kosmos Agentligi Hytaýyň bu planeta iberen enjamyndan peýdalanyp, maglumat aldy. Taraplaryň hyzmatdaşlygynyň çäklerinde Marsda enjamyň ýere ibermegi üçin birnäçe gezek synanyşyk edildi. Hyzmatdaşlygyň mundan beýläk hem dowam etjekdigi bellenilýär. Hytaýyň “Zhurong” atly marsahody şu ýylyň maý aýynda planeta gondurylypdy. Enjam häzire çenli birnäçe ses ýazgysyny we suratlary Gyzyl planetanyň orbitasynda aýlanýan “Tianwen 1” atly emeli hemrasy arkaly Ýere iberýär. Marsyň orbitasynda aýlanýan “Tianwen 1” planetanyň kartasyny döretmekde hem peýdalanylýar. Marsyň orbitasynda Ýewropa Kosmos Agentliginiň hem emeli hemrasy bar. Astronomlar “Mars Express” atly bu hemradan peýdalanyň “Zhurong” marsahodynyň toplan maglumatyny almagy başardylar. “Zhurong”-dan birtaraplaýyn iberilen maglumatynyň möçberiniň 233 kilobaýtlykdygy mälim edildi. Ýewropa Kosmos Agentliginiň inženeri Gerhard Billig iberilen maglumatyň ýokary hillidigini, geljekde hem şeýle hyzmatdaşlygyň dowam etjekdigini belleýär.
