Italiýanyň çempionaty Serie A-nyň 18-nji tapgyrynda Inter myhmançylykda Salernitanany 5-0 hasabynda ýeňdi. Sanawyň liderine ýeňiş getiren gollaryň ilkinjisini 11-nji minutda Çalhanoglunyň pasyndan soň Iwan Perişiç geçirdi. Bu gol Interiň 2021-nji ýyldaky 100-nji goly hökmünde hasaba alyndy. Şeýlelikde, Inter taryhynda ilkinji gezek bir ýylyň dowamynda 100 gol geçirdi. Italiýanyň taryhynda mundan öň diňe Interiň köne bäsdeşi Milan geçiripdi. 1950-nji ýylda Milan 120 goly garşydaşlarynyň derwezesinden girizipdi.
Oýunda Interiň beýleki gollaryny Dumfris (33), Aleksis Sançes (52), Lautara Martines (77) hem-de Kaliardini (87) geçirdi. Inter bassyr 5 oýundan bäri gol geçirtmezden ýeňiş gazanyp gelýär.
Tapgyryň açylyş duşuşygynda Lasio öz meýdançasynda Jenoany 3-1 ýeňdi. Jenoanyň täze tälimçisi Şewçenko 6-njy duşuşygynda 5-nji gezek ýeňlişe sezewar boldy. Bu klubuň antirekordyna deňdir.
