Angliýanyň çempionatynda 18-nji tapgyrda bary-ýogy 4 duşuşyk oýnaldy. Şolaryň birinde sanawyň lideri Mançester Siti autsaýder Nýukasl bilen myhmançylykda duşuşdy. Şäherlileriň doly artykmaçlygynda geçen oýunda Mançester Siti garşydaşyny Ruben Diaş (5), Kanselo (27), Mahrez (63) hem-de Sterlinginň (86) 4-0 hasabynda ýeňdi.
Bu ýeňiş Mançester Sitini çempionatyň çäginde 2021-nji ýyldaky 34-nji ýeňşini gazanyp, bu ugurda Liwerpuluň 1982-nji ýyldaky 33 ýeňişlik rekordyny täzeledi. Şeýle-de Mançester Siti gol geçirmekde-de öz rekordyny täzeledi. Guardiolanyň şägirtleriniň 2021-nji ýylda geçiren gollary (çempionatda) 106-a ýetdi. Bu bolsa klubuň täze rekordy diýmekdi. Mançester Siti 92 ýyl mundan ozal, ýagny 1929-njy ýylda 104 gol geçiripdi.
