“Marvel” kinematografrik dünýäsiniň 4-nji tapgyrynyň köp garaşylýan filmleriniň biri bolan “Möý adam: öýe ýol ýok” (Spider Man: No Way Home) filmi ilkinji 3 günde ýarym milliard dollardan köp girdeji gazandy. 17-nji dekabrdan başlap birnäçe ýurtda görkezilip ugran film ilkinji 3 günde 587 million dollar girdeji toplady. Filmiň býujetiniň 200 million dollardygyny belläp, bu ekran eserine Jon Watts režissýorlyk edýär. Filmde baş keşpleri Tom Holland, Zendaýa, Benedikt Kumberbetç, Jeými Fokks, Willem Dafo ýaly artistler janlandyrýar. Film häzirlikçe “Ölmäge wagt ýok” (No Time To Die) hem-de “Forsaž 9” (F9) filmlerinden soň 2021-nji ýylyň iň köp girdeji gazanan kinosy boldy.
