19-njy dekabrda Gonkongda Kanun çykaryjy geňeşe geçirilen saýlawlara saýlawçylaryň diňe 30,2%-i gatnaşdy. Bu 2016-njy ýyldaky saýlawlara garanyňda iki esse az. Saýlawlara esasan, watançy dalaşgärleriň gatnaşandygy habar berilýär.

Geňeşiň 90 agzasynyň 20-si ählumumy saýlaw hukugy bilen saýlandy, galanlaryny HHR-iň jemgyýetçilik we professional guramalary tarapyndan saýlandy. Bu orunlara hökümet tarapyndan tassyklanan 154 dalaşgär bäsleşdi. Häkimiýetler saýlawlaryň üstünlikli geçendigini habar berdi.

Saýlawlar ilkibaşda ozalky meýilnama laýyklykda, geçen ýylyň sentýabr aýynda geçirilmelidi, ýöne koronawirus pandemiýasy sebäpli yza süýşürildi. 2021-nji ýylda Pekiniň başlangyjy bilen saýlaw ulgamy özgerdildi. Üýtgeşmeler Gonkongyň watançylar tarapyndan dolandyrmak ýörelgesine we milli howpsuzlygy goramak baradaky täze kanunyň durmuşa geçirilmegine esaslanýar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА