Italiýanyň çempionaty Serie A-da 18-nji tapgyrda Fiorentina bilen Sassuolonyň arasyndaky duşuşyk diýseň çekeleşikli geçdi. 5 minutda Skamakka (32) hem-de Frattesiniň (37) gollary bilen 2-0 öňe saýlanan Sassuolo 2-nji ýarymda 10 minutda 2 gol geçirtdi. Fiorentinanyň gollaryny Wlahowiç (51) hem-de Torreira (61) geçirdi. Oýnuň 68-nji minutynda Biragi 2-nji sarydan gyzyl kart aldy. Duşuşykda Fiorentinanyň birinji goluny geçiren Duşan Wlahowiç şu möwsümdäki 16-njy, 2021-nji ýyldaky 33-nji goluny derwezä girizdi. Şeýlelikde, Wlahowiç 33 gol geçirmek bilen Kristiano Ronaldonyň 2020-nji ýyldaky rekordyna şärik boldy. Fiorentinanyň 22-nji dekabrda Werona bilen duşuşyk geçirjekdigini, ýagny Wlahowiçiň ýene bir duşuşykda oýnamak mümkinçiliginiň bardygyny, şol sebäpli rekordy täzeläp biljekdigini hem belläp geçeliň.
