Dünýä gözellik ýaryşynyň (Miss World 2021) şu ýylkysy gatnaşyjylaryň käbirinde koronawirus ýokanjynyň bardygy sebäpli yza süýşürildi. Bäsleşige gatnaşjak 97 gyzyň 23-iniň koronawirus testiniň položitel bolandygy mälim edildi. Porto Rikonyň Saglygya goraýyş ministrligi şu hepde geçiriljek “Miss World 2021” bäsleşiginiň yza süýşürilendigini habar berdi. Bäsleşigiň finaly bilen baglanyşykly jemi 38 položitel adamyň bardygy, olaryň 23-iniň gatnaşyjylardygy aýdyldy.
Bäsleşigiň öňümizdäki 90 günüň dowamynda geçiriljekdigi bellenildi. Ilkinji gezek 1951-nji ýylda geçirilen bu bäsleşik 70-nji gezek geçirilýär. Bäsleşigiň geçen ýylkysy pandemiýa sebäpli ýatyrylypdy. 2019-njy ýylda geçirilen bäsleşikde ýamaýkaly Toni-En Singh ýeňiji bolupdy.
