Ispaniýanyň Şa Kubogy ýaryşynda 1/16 finalyň oýunlarynyň çäginde Barselona hem-de Real Madrid indiki tapgyra çykmagy başardy. Iki toparam myhmançylykda 3-nji liganyň wekilleri bilen duşuşdy. Barselona garşydaşy Linaresiň 1-0 öňe saýlanandygyna garamazdan Dembele we Hutglanyň gollary bilen 2-1 hasabynda ýeňdi. Real Madrid bolsa Alkoýano toparyny 3-1 hasabynda ýeňlişe sezewar etdi. Madridlileriň gollaryny Militao (39), Asensio (76) hem-de Hoze Huan (78 ö.d.) derwezä girizdi.
Espanýol, Walensiýa, Malýorka, Real Sosiedad, Raýo Wallekano, Betis klublary-da 1/8 finala çykan beýleki toparlar boldy. 1/16 finalyň 7 duşuşygy şu gün oýnalar.
