Italiýanyň Kubogy ýaryşy 1/8 finalda taryhy duşuşyk oýnaldy. Diego Maradonanyň adyny göterýän stadionda Fiorentinany kabul eden Napoli 2-5 hasabynda ýeňlişe sezewar boldy. Esasy wagty 2-2 deňlikde gutaran oýunda 3 gyzyl kart görkezildi. 41-nji minutda Wlahowiçiň goly bilen myhmanlar öňe saýlandy. 3 minutdan soň Mertens hasaby deňledi. Birinji ýarymyň ahyrynda-da Fiorentinanyň derwezeçisi Dragowski gyzyl kart aldy. 57-nji minutda Bragi tapawutlanyp, Fiorentina ýene bir ýola öňe çykdy. Oýnuň 84-nji minutynda Lozano gönümel gyzyl, 90+3-nji minutda Fabian Ruiz 2-nji sarydan gyzyl kart aldy we ýer eýeleri 9 oýunçy bolup galdy. Ýöne muňa garamazdan 90+5-nji minutda Andrea Petanýa hasaby deňledi. Goşmaça wagtda-da oýnuň kontrollygyny özünde saklan Fiorentina 3 gol geçirdi. Gollary 101-nji minutda Wenuti, 108-nji minutda Pýontek, 119-njy minutda Maleh öz atlaryna ýazdyrdylar. Şeýlelikde, Fiorentina çärýek finalda Atalantanyň garşydaşy boldy.
1/8 finalyň başga bir duşuşygynda Milan öz meýdançasynda goşmaça wagtda Jenoany 3-1 hasabynda ýeňdi (Žiru 74, Leao 102, Salemakers 112 – Ostigard 17).
