Antarktikadaky Weddell deňzinde balyk köpelýän giň ýer tapyldy. Bu ýerde balyklaryň 60 milliona golaý öýjüginiň bardygy ýüze çykaryldy. Bu ýeriň häzire çenli tapylman galandygy alymlary haýran galdyrdy. Nemes hünärmenleri tarapyndan geçirilýän barlagyň netijesinde tapylan ýeriň meýdany 240 kwadrat kilometre barabar. Bu ýerde her kwadrat metre bir sany balyk öýjüginiň düşýändigi aýdyldy. Her öýjükde 2 müň 500-den gowrak balyk ýumurtgasynyň bardygy bellenildi. Germaniýanyň Alfred Wegener institutynyň hünärmenleri 1980-nji ýyllardan bäri bu ýerde ylmy barlaglary geçirýärler. Çuň deňiz biology doktor Autun Purser balyklaryň köpelýän täze meýdanynyň 535 metr çuňlukdadygyny aýtdy.
Bu ýerde sowuk suwuň beýgelýändigi, ýyly suwuň aşakda galýandygy, şol sebäpli balyklaryň köpelmek üçin bu ýere barýandygy bellenildi.
