Italiýanyň çempionaty Serie A-da Milan öz meýdançasynda Spesiýany kabul etdi. Çekeleşikli geçen oýnuň birinji ýarymynda Milan onlarça amatly pursat döredip, diňe şolaryň birinden ýerlikli peýdalanmagy başardy. Şol goly-da 45+1-nji minutda Rafael Leao derwezä girizdi. Bu goldan 2 minut öň Teo Hernandes penalti urgusyndan dürs peýdalanyp bilmedi. 2-nji ýarymda Spesiýa şowly oýun görkezip, olar 64-nji minutda Kewin Agudelonyň goly bilen hasaby deňlediler. 90+6-njy minutda-da Emmanuel Gýasi myhmanlara ýeňiş getiren oýunçy boldy. Şeýlelikde, Milan öz meýdançasynda 2-1 asgyn gelip, birinji orna geçmek mümkinçiligini elden giderdi. Mundan soňky 2 tapgyrda ilki Ýuwentus, soňra Inter bilen duşuşjak Milan şu möwsümde 4-nji gezek utulyp, şolaryň 3-si öz meýdançasyndaky ýeňlişlerdir.
Myhmançylykda Bolonýany Hirwing Lozanonyň gollary bilen 2-0 ýeňen Napoli utugyny 46-a çykaryp, 2-nji ýerdäki Milan bilen aratapawudy 2 utuga düşürdi.
Şewçenkonyň ugradan Jenoa topary-da myhmançylykda Fiorentinadan 6-0 asgyn geldi.
