Dünýäniň iň ýaşuly erkegi hökmünde Ginnesiň Bütindünýä rekordlar kitabyna adyny ýazdyran ispaniýaly Saturnino de la Fuente 112 ýaşynyň içinde aradan çykdy. Fuente bu ada geçen ýylyň sentýabrynda eýe bolupdyr. Ispaniýanyň demirgazyk-günbataryndaky Leon şäherinde ýaşan Fuenteniň 8 çagasy, 14 agtygy we 22 çowlugy bar. Ol 1909-njy ýylyň 11-nji fewralynda Leonda dünýä inipdir. Ginnesiň Bütindünýä rekordlar kitabynyň wekilleri mundan soňky rekordyň kime geçendigini mälim etmedi.
