Leonardo DiKaprio dört ýyl ozal meşhur aýdymçy Mobiden satyn alan Los Anjelesdäki öýüni alan bahasyndan hem arzan satakçy bolýar. 2016-njy ýylda Oskar baýragyna mynasyp bolan ussat aktýor 2018-nji ýylda meşhur aýdymçy Mobiden Los Anjelesdäki öýüni 4,91 million dollar satyn alypdy. 47 ýaşly amerikan aktýory jaýy üçin 4,895 million dollar baha goýdy. 1926-njy ýylda Tudor döwrüniň binagärligine laýyklykda (Angliýada we Uelsde 1485-1603) bezelen bu jaý häzirki zaman binagärçiligi bilen utgaşdyrylyp gurlupdyr. Belent petigi we giň otaglary bolan jaýda üç sany uly peç, aşhana, naharhana, kinoteatr, howuz we SPA otaglary bar. Jaýda iki sany uly ýatylýan otag, iki sany goşmaça ýatylýan otag, eýwan, sport zaly, ofis, şeýle hem hammam we bug otagy bolan myhman otagy bar. Daş-töweregi asuda ýer bolan bu öýüň howlusynda birnäçe agaçlar bolup, daşy haýat bilen ýapylan.
