Angliýanyň Premier Ligasynda aşaky orunlarda barýan we soňky tapgyrda aşaky orunda barýan bäsdeşi Norwiçden 3-0 asgyn gelen Watford topary tälimçisi Klaudio Ranierini wezipesinden boşatdy. 70 ýaşyndaky tälimçi geçen ýylyň oktýabr aýynda, ýagny 4 aý öň tälimçilige bellenipdi. Watford topary onuň tälimçiliginde 14 oýunda 2 gezek ýeňiş gazanyp (11 ýeňliş), şolaryň biri Mançester Ýunaýted (4-1), beýlekisi-de Ewerton (5-2) duşuşygydy. Karýerasynda 21 klub we 1 ýygynda tälimçilik eden Ranieri şol toparlaryň köpüsinde wezipesinden boşadyldy, käbirlerinde-de özi işini taşlady. 2016-njy ýylda Lester Siti toparyna Premier Ligada taryhy çempionlyk gazandyran Ranieri 2017-nji ýyldyň fewralynda bu klubdaky işinden hem boşadylypdy.
