Kasym-Žomart Tokaýew ýurtda dolandyryjy “Nur Otan” partiýasynyň başlyklygyna saýlandy. Bu barada “Kazinform” habarlar agentligi habar berdi.
“Nur Otan” partiýasynyň adatdan daşary XXI gurultaýynyň karary bilen Gazagystan Respublikasynyň Prezidenti Kasym-Žomart Kemelewiç Tokaýew biragyzdan bu partiýasyň başlygy wezipesine saýlandy” – diýlip, Prezidentiň metbugat gullugy mälim etdi.
Ondan öň Tokaýewi bu wezipä saýlamak baradaky teklip, Gazagystanyň ilkinji Prezidenti Nursultan Nazarbaýew tarapyndan edildi.
