Dünýäniň iň abraýly baýraklarynyň biri hasaplanýan Nobeliň parahatçylyk baýragyna teklip edilenleriň käbiriniň ady mälim edildi. Şu ýylyň oktýabrynda ýeňijisi mälim ediljek baýraga britan telealypbaryjysy, naturalist Dewid Attenboro, Bütindünýä Saglygy Goraýyş Guramasy, belarusly Swetlana Tihanowskaýa, Tuwalunyň daşary işer ministri Saýmon Kofe we Papa Fransis dagy dalaşgär görkezilipdir.
Bu barada “Reuters” agentligi Norwegiýanyň häkimiýetlerine salgylanyp, habar berýär. Britaniýaly 95 ýaşly Dewid Attenboro tebigat we daşky gurşaw bilen bagly filmleri surata düşürmekde adygan režissýorlaryň biridir. Biodürlüligi artdyrmak üçin tagalla edýän bu jemgyýetçilik işgäriniň filmlerinde Ýerdäki ýaşaýşyň ähli görnüşleri we olaryň özara täsiri jikme-jik beýan edilýär.
Tuwalunyň daşary işler ministri hem global maýylganlygyň öňüni almakda öňe sürýän başlangyçlary bilen meşhurlyk gazandy.
