Russiýanyň paýtagtynda “Moskwada gar we buz” atly halkara festiwal geçirilýär. Erteki gahrymanlarynyň buz heýkelleri bu ýere gelýänleriň ünsüni özüne çekýär. Her gün ýüzlerçe ýaşaýjy we paýtagtyň myhmanlary Moskwanyň Gorki seýilgähinde görkezilýän ajaýyp şekilleri synlamak üçin gelýärler.
Festiwalda hödürlenen buz şekilleriniň arasynda “Doňýürek”, “Moana”, “Mikki Maus we onuň dostlary”, “Grawity Folz” we başgalar ýaly multfilmleriň gahrymanlaryna duşup bolýar.
Ýanwar aýynyň başynda başlanan bu festiwal 28-nji fewrala çenli dowam eder.
