Türk we dünýä edebiýatynyň görnükli wekili, şahyr Nazym Hikmet Ranyň doglan gününiň 120 ýyllygy bellenilýär. Bu mynasybetli geçirilýän sergide ussat şahyryň mundan ozal hiç bir kitabyndan çap edilmedik şygry görkezilýär. Goşgynyň 1925-nji ýylda ýazylandygy mälim edilýär.
Şeýle hem sergide dürli gazet-žurnallarda çap edilen, emma kitap bolup çykmadyk goşgulary we makalalary görkezilýär.
Stambuldaky Sefaköý medeniýet we sungat merkezinde açylan sergi 15-nji fewrala çenli dowam eder. Sergide mundan ozal köpçülige görkezilmedik fotosuratlary hem ýerleşdirilipdir.
1902-nji ýylda häzirki Gresiýanyň Saloniki şäherinde dünýä inen Hikmet 1963-nji ýylda aradan çykýar.
