Koreý brendi “Galaxy Unpacked” atly çärede “Galaxy S22” we “Galaxy S22+” smartfonlaryny hem görkezdi.
“Galaxy S22” we “Galaxy S22+” telefonlarynda dizaýn babatda o diýen üýtgeşiklik ýok. “Samsung” 2022-nji ýylyň premium modellerinde güýje has köp ähmiýet beripdir. Yzky kameranyň dizaýny “Galaxy S21” seriýasynyňka örän meňzeş.
Bu telefonlarda “Galaxy S21” seriýasynda bolşy ýaly üç kamera sensory oturdylan çykgyt bar. Telefonyň öňündäki kamera bolsa, deşijege ýerleşdirilipdir.
Ekran:
“Galaxy S22” seriýasynyň üç agzasynyň hem ekranlarynyň ululygy bir-birinden tapawutly. “Galaxy S22”-niň 6,06 dýuýmlyk FHD AMOLED, “Galaxy S22+”-yň 6,5 dýuýmlyk FHD AMOLED ekrany bar. Ekranyň ýüzüne barmagyňy okaýan sensor bolsa indi standart ýagdaýa geldi.
Güýji:
Iki modelde-de “Snapdragon 8 Gen 1” mikroprosessory oturdylypdyr. Telefonlarda 8 GB RAM göz öňünde tutulypdyr. “Android 12 One UI 4” ” amaly ulgam telefonlardaky hemişelik ýadyň 4 GB-lyk bölegini RAM hökmünde ulanmaga mümkinçilik berýär. Bu hem hasaba alnanda enjam 12 GB RAM-ly bolýar. Telefonlaryň hemişelik ýady 128 GB ýa-da 256 GB bolup, iki görnüşlidir. Batareýalary bolsa, 3.700 mAh güýjünde işleýär.
Kamera:
Telefonlaryň ikisiniň hem kameralary meňzeş bolup, esasy kamera 50 MP durulygynda surata alýar. Şeýle hem 12 MP ultragiň, 10 MP goşmaça kamera bar. Telefoto sensor bolsa 10 essä çenli ýakynlaşdyrmaga ýardam edýär. Smartfonlaryň selfi kamerasy 10 MP durulygynda surata düşürýär.
Bahasy:
“Galaxy S22” (8 GB RAM + 128 GB ýat) 799 dollar, “Galaxy S22+” (8 GB RAM + 128 GB ýat): 999 dollardan satylar.
